გადაიხადოს ტრანსპორტირების ხარჯები დანიშნულების ადგილამდე;        
გაწიოს რისკი სატრანსპორტო საშუალების შიდა დატვირტვის პუნქტამდე.

C - ჯგუფის ტერმინები
CER
Cost and Freight (...named port of destination).
ტერმინში მითითებულია დანიშნულების პორტი.
CER ნიშნავს, რომ ყველა ხარჯი ტვირთის დანიშნულების პორტში მისვლამდე და მისი გემიდან გადმოტვირთვამდე (ჩათვლით) აკისრია გამყიდველს. გამყიდველმა უნდა უზრუნველყოს ტვირტის საექსპორტოდ გაფორმება. ხარჯებში შედის გემის გადასახადი (ფრახტი). აღსანიშნავია, რომ პასუხისმგებლობა ტვირთის დაკარგვაზე ან მის დაზიანებაზე გადადის მყიდველზე დატვირთვის პორტში, (როგორც კი ტვირთი გაივლის გემის საზღვარს) და არა დანიშნულების პორტში. ეს ტერმინი გამოიყენება მხოლოდ საზღვაო ან სამდინარო ტრანსპორტისათვის. თუ გამყიდველს არ ძალუძს აღნიშნული ვალდებულების შესრულება, მაშინ უმჯობესია გამოყენებულ იქნას ტერმინი CPT. 
CIF      Cost, Insurance and Freight (…named port of destination)           ტერმინში მითითებულია დანიშნულების პორტი.
CIF ნიშნავს, რომ ყველა ხარჯი ტვირთის დანიშნულების პორტში მისვლამდე და მისი გემიდან გადმოტვირთვამდე (ჩათვლით) აკისრია გამყიდველს. გამყიდველმა უნდა უზრუნველყოს ტვირთის საექსპორტოდ გაფორმება. ხარჯებში შედის გემის გადასახადი (ფრახტი). როგორც ვხედავთ CIF ტერმინი იმეორებს CFR ტერმინს. მაგრამ განსხვავებულად არის გადაწყვეტილი ტვირთის გემზე ყოფნისას მისი დაკარგვის ან დაზიანების რისკის საკითხი. CIF ტერმინის მიხედვით გამყიდველმა უნდა უზრუნველყოს საზღვაო დაზღვევა და გადაიხადოს დაზღვევის ღირებულება. ამავე დროს გამყიდველმა უნდა იცოდეს, რომ CIF ტერმინი მოითხოვს მხოლოდ მინიმალურ დაზღვევას. აღნიშნული ოდენობა განისაზღვრება კონტრაქტში დაფიქსირებულ ფასს + 10% - ით. იმ შემთხვევაში, თუ მყიდველი სპეციალურად არ არეგულირებს ამ საკითხს ხელშეკრულებით, მაშინ დაზღვევის ოდენობა ავტომატურად განისაზღვრება 110% - ით. გამყიდველის მიერ მყიდველს გადაეცემა ამ უკანასკნელის სახელზე გაფორმებული სადაზღვევო პოლისი.
CPT       Carriage Paid to (…named place of destination)
ტერმინში მითითებულია დანიშნულების ადგილი.
CPT ნიშნავს, რომ გამყიდველი იხდის ტვირთის დასახელებულ ადგილამდე გადატანის ღირებულებას. გამყიდველმა უნდა უზრუნველყოს ტვირთის საექსპორტოდ გაფორმება. რისკი ტვირთის დაკარგვაზე ან დაზიანებაზე გადადის გამყიდველიდან მყიდველზე იმ მომენტიდან, როცა ტვირთი მოხვდება გადამტანის (სატრანსპორტო კომპანიის) განკარგულებაში (მფლობელობაში). ეს ტერმინი შეიძლება გამოყენებულ იქნას ნებისმიერი სახის ტრანსპორტისათვის.
CIP
Carriage and Insurance paid to (… named place of destination)
ტერმინში მითითებულია დანიშნულების ადგილი.
CIP ნიშნავს, რომ გამყიდველის მოვალეობა იგივეა, რაც CPT შემთხვევაში გარდა რისკის საკითხისა. გამყიდველი  მოვალეა უზრუნველყოს ტვირთის დაზღვევა, გააფორმოს კონტრაქტი სადაზღვევო კომპანიასთან და გადაიხადოს დაზღვევის საფასური. ამავე დროს მყიდველმა უნდა იცოდეს, რომ გამყიდველს მოეთხოვება მხოლოდ ტვირთის მინიმალური დაზღვევა (იხ. CIF). ეს ტერმინი შეიძლება გამოყენებულ იქნას ნებისმიერი სახის ტრანსპორტისათვის.