გადაიხადოს ტრანსპორტირების ხარჯები დანიშნულების ადგილამდე;
გაწიოს  რისკი დანიშნულების ადგილამდე.

D - ჯგუფის ტერმინები
DAF         Delivered At Frontier (… named place)                                ტერმინში მითითებულია ადგილის დასახელება.
DAF ნიშნავს, რომ გამყიდველის მოვალეობა ითვლება შესრულებულად, თუ მან ტვირთი მოამზადა საექსპორტოდ და მიიტანა ტერმინში დასახელებულ საზღვრის საბაჟოს გასასვლელამდე. ტვირთის საბაჟო საზღვარზე გატარება არ შედის გამყიდველის მოვალეობაში. „საზღვარი“ ნიშნავს საზღვარს ორ მეზობელ ქვეყანას შორის ან აეროპორტს. ტვირთის მიტანის ადგილი შეიძლება იყოს ექსპორტის ქვეყნის საზღვარი, იმპორტის ქვეყნის საზღვარი ან რომელიმე სხვა ქვეყნის საზღვარი. ჩვეულებრივ ამ ტერმინს იყენებენ, როცა ტვირთის გადაზიდვა ხდება სარკინიგზო ან საგზაო ტრანსპორტით.
DES          Delivered Ex Ship (…named port of destination).                  ტერმინში მითითებულია დანიშნულების პორტი.
DES ნიშნავს, რომ გამყიდველის მოვალეობაა მიიტანოს ტვირთი გემით ტერმინში დასახელებულ პორტში. მიტანის პორტის ქვეყანაში ტვირთის იმპორტირება (საიმპორტოდ გაფორმება) არ შედის გამყიდველის ფუნქციებში, სამაგიეროდ ყველა რისკი და ხარჯი ტვირთის დანიშნულების პორტში მიტანაზე გამყიდველს აკისრია. ეს ტერმინი გამოიყენება მხოლოდ საზღვაო ან სამდინარო ტრანსპორტისათვის.
DEQ          Delivered Ex Quay duty paid (…named port of destination)         ტერმინში მითითებულია დანიშნულების პორტი.
DEQ ნიშნავს, რომ გამყიდველის მოვალეობაში შედის ტვირთის მიტანა დასახელებული პორტის ნაპირზე საბაჟოზე გატარების ჩათვლით. აქედან გამომდინარე,გამყიდველს აკისრია ტვირთის ექსპორტირების და იმპორტირების უზრუნველყოფა ანუ ყველა რისკი და ხარჯი, მათ შორის იმპორტირების პუნქტში საბაჟო გადასახადების და სხვა ხარჯების დაფარვა. ეს ტერმინი არ უნდა იქნას გამოყენებული, თუ გამყიდველს არ ძალუძს საიმპორტო ლიცენზიის უზრუნველყოფა. ასეთ შემთხვევაში სიტყვების „duty paid“ ნაცვლად შეიძლება ჩაიწეროს სიტყვები „duty unpaid”, რაც ნიშნავს, რომ ტვირთის იმპორტირება უნდა უზრუნველყოს მყიდველმა. აგრეთვე შესაძლებელია, რომ გამყიდველი გათავისუფლდეს ზოგიერთი სხვა მოვალეობისა და ხარჯისაგან, მაგალითად დამატებითი ღირებულების გადასახადი (VAT). ასეთ შემთხვევაში შეიძლება გამოვიყენოთ ტერმინი DEQ, VAT unpaid. ტერმინთა ეს ჯგუფი გამოიყენება მხოლოდ საზღვაო ან სამდინარო ტრანსპორტისათვის.
DDU          Delivered Duty Unpaid (…named place of destination)         ტერმინში მითითებულია დანიშნულების ადგილი.
DDU ნიშნავს, რომ გამყიდველის მოვალეობა სრულდება მაშინ, როდესაც ტვირთს მიაწოდებს დასახელებულ ადგილზე იმპორტის ქვეყანაში. გამყიდველი არ არის ვალდებული უზრუნველყოს ტვირთის იმპორტირება, გადაიხადოს საბაჟო თუ სხვა გადასახადები. ამ მომენტიდან ყველა ხარჯი და რისკი გადადის მყიდველზე. შესაძლებელია, რომ გამყიდველს დაემატოს ზოგიერთი სხვა ხარჯი, მაგალითად დამატებითი ღირებულების გადასახადი (VAT). ასეთ შემთხვევაში შეიძლება გამოვიყენით ტერმინი Delivered Duty Unpaid VAT paid (...named place of destination). DDU ტერმინი შეიძლება გამოყენებულ იქნეს ნებისმიერი სახის ტრანსპორტისათვის.
DDP         Delivered Duty Paid (…named pace of destination)              ტერმინში მითითებულია დანიშნულების ადგილი.
DDP ტერმინით გამყიდველი ვალდებულია ტვირთი მიაწოდოს მყიდველს დასახელებულ ადგილზე, იმპორტის ქვეყანაში და უზრუნველყოს ტვირთის იმპორტირება ანუ გადაიხადოს საბაჟო თუ სხვა გადასახადები. ჩვეულებრივ DDP პირობა გამოიყენება მაშინ, როდესაც საქონლის მიწოდება ხდება მყიდველის საწყობში. იმ შემთხვევაში, თუ გამყიდველს პირდაპირ ან არაპირდაპირ არ შეუძლია საიმპორტო ლიცენზიის მოპოვება, აღნიშნული ტერმინი არ გამოიყენება. DDP-ს პირობით საქონლის მიწოდება ხორციელდება ნებისმიერი სახის ტრანსპორტით, მაგრამ იმ შემთხვევაში, თუ ტვირთი მიეწოდება გემის ბორტზე ან დანიშნულების პორტის მისადგომებთან, საჭიროა გამოყენებულ იქნეს DEQ და DES ტერმინები.